Darganfyddwch y cwrs Ffilm a'r Cyfryngau i chi
O Brifysgol Bangor i Fyd Creadigol House of the Dragon HBO
Yn ystod ei gyfnod yn astudio ym Mhrifysgol Bangor, cafodd Kieran Samuel, a raddiodd mewn Ffilm a'r Cyfryngau, ymgymryd â lleoliad â thâl ar House of the Dragon ar HBO.
Treuliodd Kieran chwe wythnos yn gweithio gydag adran goleuo’r cynhyrchiad, gan ennill profiad uniongyrchol o gynhyrchu teledu proffesiynol a dysgu gan arbenigwyr yn y diwydiant ar y set.
Cafodd ei leoliad ei sicrhau trwy bartneriaethau Prifysgol Bangor â Chynghrair Sgrin Cymru fel rhan o fenter Cymru Greadigol, sy’n helpu myfyrwyr i sicrhau mynediad at gyfleoedd gwerthfawr yn y diwydiant gyda chyflogwyr blaenllaw.
Byddi’n gwneud mwy na dim ond dysgu am brofiad diwydiant ym Mhrifysgol Bangor. Byddi’n elwa ar y canlynol;
Partneriaethau diwydiant
Dysgu ymarferol, sy'n canolbwyntio ar yrfa
Cyfleoedd rhwydweithio proffesiynol
Archwilio Ffilm a'r Cyfryngau ym Mhrifysgol Bangor i weld lle all dy radd dy arwain.u
Cefais brofiad anhygoel ar set House of the Dragon fel hyfforddai goleuo. Dysgais sut i beintio gyda goleuadau.
Dyma'r lle…
I ddod o hyd i dy lais. I ddatblygu dy grefft. I ddod â syniadau newydd yn fyw.
Ym Mhrifysgol Bangor, bydd dy greadigrwydd yn dod yn fyw. Byddi’n dysgu gan academyddion profiadol a gweithwyr proffesiynol yn y diwydiant, yn archwilio dy syniadau mewn cyfleusterau arbenigol, ac yn ymuno â chymuned gefnogol.
P'un a wyt yn perfformio, yn cynhyrchu neu'n ymchwilio, byddi’n ennill y sgiliau, y profiad a'r hyder i gymryd dy gam nesaf.
Beth sy'n bosibl pan fydd creadigrwydd yn cwrdd â chyfle.
Hannah Grimston Dod o Hyd i Le i Greu
Pam wnest ti ddewis astudio ym Mhrifysgol Bangor?
"Roedd y cwrs mor wahanol i'r cyrsiau eraill oedd yn cael eu cynnig; doeddwn i ddim yn cael fy nghyfyngu i un alwedigaeth. Pan ddes i’r diwrnod agored, cefais fy syfrdanu gan yr amgylchedd ac roeddwn yn gwybod mai dyma'r lle iawn i mi."
Ym mha ffordd y gwnaeth astudio ym Mhrifysgol Bangor wella dy gyflogadwyedd?
"Oherwydd ei bod yn brifysgol eithaf bach, roeddwn yn teimlo fy mod yn gallu cymryd rhan mewn nifer o brofiadau sydd wedi rhoi hwb i fy CV, gan gynnwys nifer o ffilmiau wedi’u creu gan gymdeithasau, interniaeth gwaith gyda Santander a chreu cynnwys ar gyfer Sw Mynydd Cymru."
Mewn brawddeg, beth oedd dy hoff beth am astudio ym Mhrifysgol Bangor?
"Y rhyddid creadigol a'r golygfeydd prydferth."
Graddiodd Hannah yn 2019 gyda BA mewn Astudiaethau Creadigol ac mae hi bellach yn Athrawes Saesneg mewn Ysgol Uwchradd.
Codi Cwr y Llen ar Stiwdio Ffilm a Theledu Weithredol
Fel myfyriwr ym Mhrifysgol Bangor, cei gyfleoedd i gysylltu â'r diwydiant drwy ein partneriaeth â Stiwdios Ffilm Aria. Byddi’n mentro y tu hwnt i'r ystafell ddosbarth i ymweld â set go iawn i ddysgu sut mae timau creadigol yn dod â straeon yn fyw, ac i ennill cipolwg ar y daith o'r sgript i'r sgrin.
Cei fynd ar daith rithwir o set Rownd a Rownd a chael cipolwg y tu ôl i'r llenni.
Y Dderbynfa
Croeso i Stiwdios Aria yn Llangefni. Dyma’r dderbynfa foethus gyda’r murlun trawiadol o du allan yr adeilad a’r mynyddoedd yn y cefndir.
Y Stiwdio
Dyma ni yn stiwdio 2 - ble mae setiau tai rhai o gymeriadau'r gyfres ‘Rownd a Rownd’. Fe welwch fod y setiau gefn yn gefn er mwyn gwneud y mwyaf o’r gofod.
Tŷ Dani
Rydym yn awr yn Nhŷ Dani, un o gymeriadau hir mwyaf poblogaidd y gyfres. Yma mae cegin a lolfa.
Sylwch mai dim ond hanner cyntedd sydd gan Dani – ni all y camera na chithau weld rownd y gornel! Mae drws ffrynt y tŷ ar y stryd ym Mhorthaethwy.
Tŷ Siân
Dyma’r cyntedd yn nhŷ Siân. Sylwch nad ydi’r grisiau yn arwain i unman gan nad oes llofftydd yma. Mae hwn yn replica o dŷ go iawn yn Llandegfan - roedd yn rhaid ail greu'r gegin yn union gan nad oedd modd ffilmio ar leoliad oherwydd y pandemig.
Fflat Jason
Fflat Jason ydi hwn ac yn y stori mae’r lleoliad uwchben y Tŷ Pizza sydd ar set y gyfres ym Mhorthaethwy.
Siop yr Iard
Dyma un o’r setiau mwyaf y stiwdio. Unwaith eto mae tu allan yr iard gychod i lawr wrth y Fenai ym Mhorthaethwy ond ail grëwyd y tu mewn er mwyn hwyluso'r ffilmio gan fod angen gymaint o brops ac ati i lenwi’r siop.
Tŷ Arthur
Wrth i ni ymweld â thŷ Arthur fe welwch weddill y setiau yn glir. Mae wal ar goll yma er mwyn creu gofod i’r criw ffilmio weithio gan fod y set ei hun yn gymharol fychan.
Ac o’r cyntedd eto fe welwch pa mor agos ydi’r setiau at ei gilydd yn y stiwdio.
Tŷ’r K’s
Dyma dŷ’r Ken a Kay. Mae’r tŷ go iawn ar y lot ym Mhorthaethwy ond roedd angen mwy o le oherwydd covid felly adeiladwyd y set yma i fod ychydig yn fwy na’r tŷ gwreiddiol er na fyddech chi yn sylwi hynny ar gamera.
O’r cyntedd fe gawn gip olwg i mewn i’r gegin hefyd.
Tŷ Dylan a Sophie
Yn sicr dyma set grandiaf ’Rownd a Rownd’ - tŷ moethus Dylan a Sophie. Fe gafodd yr Adran Gelf hwyl yn cynllunio hwn.
A dyma’r cyntedd, eto fe welwch nad yw’r grisiau yn arwain i unman a chewch gip olwg o’r lolfa.
Y Galeri
Yng nghornel o’r stiwdio mae ardal y galeri. Yma bydd y cyfarwyddwr a a gweddill y criw yn eistedd yn ystod y ffilmio. Byddant yn gwylio’r digwydd ar y sgriniau ac yn mynd yn ôl ag ymlaen ar y set yn ôl yr angen.
Gwisgoedd
Tu allan i’r stiwdio mae’r adran wisgoedd ac yma mae holl wisgoedd y cymeriadau yn cael eu cadw, eu didoli a’u golchi. Yma bydd yr actorion yn dod i mewn i mewn i’w gwisg cymeriad.
Colur
Ar ôl newid i’w wisg bydd pob actor yn cael colur. Yr adran golur sydd hefyd yn gyfrifol am dorri a steilio gwalltiau a chreu effeithiau arbennig megis briwiau a chleisiau.
Dilynwch ni ar Instagram
Ein Hymchwil o fewn Ffilm a'r Cyfryngau
Mae'r Ysgol yn rhyngddisgyblaethol, yn gydweithredol, yn greadigol ac yn feirniadol.
Cryfderau/Arbenigeddau'r Ymchwil
Ein cryfderau allweddol yw gwaith y staff yn y diwylliant digidol; y cyfryngau a chyfathrebu perswadiol; a theori ac ymarfer creadigol (ymarfer-fel-ymchwil).
Mae gennym berthynas arbennig o gryf yn sector diwydiannau'r cyfryngau a chreadigol yng Nghymru, ac rydym hefyd yn ymwneud â'r economi creadigol yn fwy cyffredinol, yn y Deyrnas Unedig a thu hwnt. Mae hyn yn cyfrannu at nifer o agweddau o'n gweithgareddau ymchwil, ac yn gymorth i hyrwyddo ein gwaith hefyd. Yn gymunedol, rydym yn cymryd rhan mewn projectau a datblygiadau'n rheolaidd. Mae hyn yn cynnig cyfleoedd gwerthfawr i'r myfyrwyr, ac mae hefyd yn gymorth i gynyddu effaith gyffredinol ein gweithgareddau a chodi ymwybyddiaeth amdanynt.
Digwyddiadau Ymchwil
Mae gennym ddiwylliant ymchwil bywiog a chyfeillgar. Mae ein cyfres ymchwil wythnosol yn cynnwys cydweithwyr o Fangor, myfyrwyr ôl-radd, ac ymchwilwyr ac ymarferwyr o bob rhan o'r Deyrnas Unedig a thu hwnt, mewn awyrgylch cefnogol, os beirniadol. Rydym hefyd yn gwahodd gwesteion arbennig, ysgolheigion ar ymweliad ac eraill i roi cyflwyniadau ar eu gwaith ymchwil a'u hymarfer.