58³Ô¹Ï

Nod elfen academaidd y rhaglen yw eich cael i gymryd rhan weithredol yn y broses ddysgu.  Un cymorth mawr yw bod pob grŵp blwyddyn yn gymharol fach, sy’n caniatáu digon o le i drafod a datblygu syniadau a sgiliau.  Disgwylir i chi gymryd rhan lawn yn yr addysgu trwy ddod â'ch deunyddiau a'ch profiadau clinigol eich hun i’w trafod, a thrwy gymryd rhan mewn gweithgareddau chwarae rôl i ddatblygu eich sgiliau. Mae'r cwricwlwm academaidd yn rhoi pwyslais ar bersbectif rhychwant oes. Mae hyn yn golygu y caiff meysydd pwnc eu dysgu gan glinigwyr o nifer o arbenigeddau, gan sicrhau y cewch olwg datblygiadol o’r meysydd hynny a’ch bod yn gwerthfawrogi sut mae'r un modelau damcaniaethol a’r un dulliau gweithredu yn cael eu defnyddio gyda gwahanol grwpiau o gleientiaid o oedrannau gwahanol.

Yn dilyn model gymhwysedd y rhaglen, mae'r rhan fwyaf o'n haddysgu yn cyfateb i'r cymwyseddau a ddatblygwyd ym mhob un o'r pum lleoliad. Ar ddechrau blwyddyn un, darperir addysg sylfaen i chi sy'n berthnasol i waith cyffredinol seicolegwyr clinigol mewn lleoliadau amrywiol. Mae hyn yn cynnwys sgiliau creiddiol ymgysylltu ac asesu a sgiliau therapiwtig, yn ogystal â chodau moeseg ac ymddygiad proffesiynol a fframweithiau cyfreithiol perthnasol. Tra byddwch ar leoliad, un o nodau'r addysgu yw eich arfogi â'r wybodaeth a'r sgiliau damcaniaethol i wneud gwaith asesu a chysyniadoli seicolegol gadarn. Hanner ffordd drwy'r lleoliad hwn byddwch hefyd yn cymryd rhan mewn cwrs ymwybyddiaeth ofalgar am 8 wythnos yn rhan o'ch addysgu, i osod y sylfeini ar gyfer dysgu mwy am ddulliau trydedd don ac am wneud defnydd ohonoch chi eich hun i helpu rheoli gofynion yr hyfforddiant. Yn ystod yr ail a'r trydydd lleoliad, (ymyriad I ac ymyriad II) bydd yr addysgu yn canolbwyntio mwy ar fodelau therapiwtig a datblygu sgiliau, gan gynnwys Therapi Ymddygiad Gwybyddol, Therapi Derbyn ac Ymrwymo a Therapi Ymddygiad Dialectig.  Cyflwynir modelau therapiwtig eraill hefyd wrth i'r hyfforddiant fynd yn ei flaen, gan gynnwys Therapi sy'n Canolbwyntio ar Dosturi. Yn ystod eich pedwerydd lleoliad, mae i’r dysgu mwy o bwyslais ar ddamcaniaethau ac ymarfer sy’n ymwneud â gweithio systemig ac arweinyddiaeth.

Rydym yn gweithio'n gyson i ddatblygu ein haddysgu fel ei fod yn cyfrannu at ofynion achredu ar gyfer cymwysterau proffesiynol eraill, megis achrediad therapydd CBT gan y British Association for Behavioural and Cognitive Psychotherapies (BABCP). Mae ein haddysg ym maes niwroseicoleg wedi cael ei chydnabod gan Brifysgol Bryste ac yn galluogi hyfforddeion i gofrestru ar y Diploma Ôl-raddedig mewn Niwroseicoleg Ddamcaniaethol ac Ymarferol (PGDipPN) ym Mhrifysgol Bryste (ar gyfer oedolion yn unig); yno, gallwch ennill credyd am eich gwaith addysgu a chlinigol yn ystod eich hyfforddiant DClinPsy, a gellir defnyddio hwn wrth weithio tuag at ddod yn Niwroseicolegydd Clinigol (SRCN) ar ôl eich hyfforddiant. Mae gan ein rhaglen achrediad Lefel 1 gan y Society for DBT yn y DU ac Iwerddon, sy'n gweithredu safonau rhyngwladol achredu DBT. Mae hyn yn golygu bod yr holl addysg DBT a ddarparwn yn cyfrif tuag at achrediad gan y Gymdeithas. Mae cyfleoedd ychwanegol yn ystod yr hyfforddiant a fydd yn eich galluogi i fodloni'r holl gymwyseddau sy'n seiliedig ar wybodaeth ar gyfer achrediad erbyn diwedd yr hyfforddiant. Yn dibynnu ar argaeledd lleoliadau, bydd rhai hyfforddeion hefyd yn cael cyfleoedd i ennill yr holl gymwyseddau sy'n seiliedig ar ymarfer sy'n ofynnol ar gyfer achrediad. Mae ein haddysg systemig wedi cael ei hachredu gan yr Association for Family Therapy and Systemic Practice (AFT). Er mwyn cael yr achrediad ar lefel sylfaen, bydd angen i chi gwblhau dau aseiniad ychwanegol sy'n cael eu marcio a chadw log myfyriol o'ch dysgu. Byddwch hefyd yn cael cynnig cyfleoedd i gymryd rhan mewn grwpiau goruchwylio gan gymheiriaid (gyda hwylusydd) i drafod eich dysgu ar y rhaglen ac ar leoliad, a bydd hyn yn helpu i roi bywyd i'r syniadau systemig.

Cyn pob lleoliad bydd bloc o addysgu a fydd yn para rhwng pythefnos a phum wythnos. Unwaith y byddwch ar leoliad, bydd dyddiau addysgu wythnosol yn parhau i gael eu cynnal am ran helaeth o'r flwyddyn, sy'n golygu y cewch gadw mewn cysylltiad parhaus â'r rhaglen a chyd-aelodau eich carfan blwyddyn. Cynhelir dau ddiwrnod addysgu arall hefyd bob blwyddyn academaidd, pan ddaw'r tair carfan at ei gilydd, a chaiff pynciau arbenigol a chyfredol eu cyflwyno a'u trafod. Y teitlau ar gyfer diwrnodau addysgu diweddar pob carfan yw 'Seicoleg Glinigol - Deall a Mynd i'r Afael ag Anghyfiawnder, Hiliaeth a Gwahaniaethu Epistemig' a 'Chyfweld Cymhellol a Gweithio gyda Phobl sy'n Camddefnyddio Sylweddau'.

Cewch eich dysgu yn yr ystafelloedd addysgu pwrpasol ym Mhrifysgol Bangor, yn agos at swyddfeydd y tîm staff ac mae cegin a lle bwyta helaeth i’w rannu. Mae gennych hefyd fynediad i ystafell adnoddau helaeth i hyfforddeion i wneud gwaith academaidd ar sawl un o gyfrifiaduron y Brifysgol a'r Bwrdd Iechyd.

Er mai seicolegwyr clinigol ac academaidd o ogledd Cymru sy’n gwneud y rhan fwyaf o’r addysgu, gwahoddir seicolegwyr o’r tu hwnt i’r ardal a gweithwyr proffesiynol eraill hefyd i gyfrannu lle bo’n briodol. Mae aelodau o ‘Panel y Bobl’ a defnyddwyr gwasanaeth a gofalwyr eraill yn cymryd rhan amlwg mewn nifer o sesiynau addysgu trwy gydol y tair blynedd. Mae’r hyfforddeion yn gwerthfawrogi eu persbectif yn arw ac mae'r adborth yn gyson dda. Byddwch yn rhoi adborth ar yr holl sesiynau academaidd, ac mae hynny’n galluogi’r rhaglen i barhau i wella’r safonau addysgu.

Aseiniadau Academaidd - Mae tri aseiniad academaidd i'w cwblhau dros y tair blynedd.

• Rydych chi'n dechrau gydag aseiniad dysgu sy'n seiliedig ar broblemau, y byddwch chi'n ei ddatblygu gyda'ch cyd-hyfforddeion.
• Ym mlwyddyn 2 rydych chi'n rhoi cyflwyniad ar fater proffesiynol sy'n codi o'ch lleoliad systemig ac arweinyddiaeth.
• Ar ôl cyflwyno'r traethawd ymchwil, byddwch yn ysgrifennu aseiniad adfyfyriol ar eich dysgu a gaiff ei asesu'n ffurfiannol.

Er bod diwyg yr aseiniadau wedi'i bennu, chi fydd yn dewis eich pynciau clinigol-berthnasol eich hun ar eu cyfer. Gall siaradwyr Cymraeg gyflwyno eu gwaith yn Gymraeg.

Mae dysgu yn parhau wrth i chi gymhwyso damcaniaethau a gyflwynwyd yn yr ystafell ddosbarth, drwy astudio annibynnol, a thrwy weithio gyda'ch cleientiaid ar leoliad. Bydd y profiad clinigol yn dechrau tua diwedd mis Hydref yn y flwyddyn gyntaf ac yn para dros dair blynedd y rhaglen.  Bydd y lleoliadau yn eich cynorthwyo i ddatblygu sgiliau asesu, cysyniadoli ac ymyrraeth (Lleoliad Sylfaen) cyn symud ymlaen i ddatblygu sgiliau mewn ymyriadau therapiwtig a therapïau seicolegol penodol (Ymyrraeth I a II). Bydd lleoliadau diweddarach yn canolbwyntio ar ddatblygu eich sgiliau mewn cymwyseddau systemig ac arweinyddiaeth a byddwch yn gorffen eich hyfforddiant gyda lleoliad atodol neu ddethol o'ch dewis.

Mae’r lleoliadau fel a ganlyn:

• Blwyddyn 1: Sylfeini Asesu, Cysyniadoli ac Ymyrraeth (Tachwedd - Ebrill)
• Blwyddyn 1: Ymyrraeth I (Mai - Hydref).
• Blwyddyn 2: Ymyrraeth II (Tachwedd - Mehefin).
• Blwyddyn 2/3 Gweithio gyda Systemau ac Arweinyddiaeth (Gorffennaf - Rhagfyr).
• Blwyddyn 3: Dethol/Atodol (Rhagfyr - Medi).

Bydd pob lleoliad clinigol yng ngogledd Cymru a gogledd Powys, sy’n ardal ddaearyddol fawr sy'n ymestyn o Wrecsam i Bwllheli ac o Gaergybi i'r Drenewydd a Dolgellau, lle ceir trefi a dinasoedd ôl-ddiwydiannol a chymunedau gwledig. Mae'r tîm clinigol yn rhoi cryn sylw i'r broses o neilltuo hyfforddeion i leoliadau clinigol. Yn aml, mae nifer o ffactorau i'w hystyried, gan gynnwys (ond heb fod yn gyfyngedig i): anghenion iechyd yr hyfforddai, cyfrifoldebau gofalu'r hyfforddai, canolfan waith a chyfeiriad cartref yr hyfforddai, anghenion hyfforddi a chymhwysedd, ac anghenion y goruchwyliwr. Mae hwn yn broses gymhleth. Rydym yn gwneud ein gorau i neilltuo hyfforddeion gan ystyried y ffactorau hyn. Fodd bynnag, dylid disgwyl teithio, o ystyried yr ardal ddaearyddol eang y mae'r Byrddau Iechyd yn ei gwasanaethu.

Bydd pob goruchwyliwr newydd wedi mynychu tri gweithdy goruchwylwyr newydd, sydd wedi'u hachredu dan y BPS ac sy'n cynnig cymhwyster i'r Gofrestr Goruchwylwyr Ymarfer Seicoleg Gymhwysol (RAPPS). Rydym hefyd yn cynnig gweithdai rheolaidd i bob goruchwyliwr i archwilio ystod eang o faterion sy'n berthnasol i oruchwyliaeth glinigol.

Mae’r lleoliadau sydd ar gael ar hyn o bryd yn cynnwys:

• Iechyd Meddwl Oedolion: gan gynnwys gwasanaethau iechyd meddwl gofal eilaidd, gwasanaeth gofal fesul cam, gwasanaethau cleifion mewnol, gwasanaeth anhwylderau bwyta, iechyd meddwl amenedigol, gwasanaethau camddefnyddio sylweddau a gwasanaethau seicosis cynnar.
• Oedolion HÅ·n: gan gynnwys clinigau cof a thimau cymunedol.
• Gwasanaethau Plant a Phobl Ifanc: gan gynnwys CAHMS, gwasanaethau mewnol i bobl ifanc a gwasanaethau niwroddatblygiadol.
• Anableddau Deallusol: gwasanaethau oedolion a phlant.
• Gwasanaethau fforensig: uned a charchar diogelwch canolig.
• Gwasanaethau anafiadau i’r ymennydd: gwasanaethau oedolion a phlant.
• Seicoleg Glinigol Iechyd: gan gynnwys gwasanaeth aelodau artiffisial, mewnblaniadau cochlear, gofal critigol, diabetes, gwasanaethau blinder cronig, anhwylderau gwaedu etifeddol, gwasanaeth cyhyrysgerbydol, oncoleg a gofal lliniarol, rheoli poen, gwasanaethau pediatrig, gofal arennol, a rheoli pwysau.
• Gwasanaethau Cefnogi a Lles Staff.
• Gwasanaeth Cymru gyfan: Ymddiriedolaeth y Gwasanaethau Ambiwlans
• Gwasanaeth ar draws y DU: Y Weinyddiaeth Amddiffyn

Caiff cytundebau lleoliad eu trafod rhyngoch chi a’r goruchwyliwr, ar y cyd â staff y rhaglen.  Adolygir y cytundebau hynny hanner ffordd trwy’r lleoliad.  Caiff pob lleoliad ei werthuso gan eich goruchwyliwr clinigol, a fydd yn asesu ystod lawn o gymwyseddau clinigol a phroffesiynol. Byddwch yn rhoi adborth ar yr holl leoliadau fel rhan o’n hymdrech i sicrhau ein bod yn cynnal ac yn gwella ansawdd uchel y profiad clinigol.

Yn aml, dyrennir lleoliadau i hyfforddeion sy'n siarad Cymraeg lle gallwch ddefnyddio'r Gymraeg wrth eich gwaith yn eich ymarfer clinigol a lle bo hynny'n bosibl gyda'ch goruchwyliwr.

Aseiniadau Clinigol -

• Byddwch yn cwblhau adroddiad ar weithgarwch clinigol (RCA) yn eich lleoliad Sylfaen.
• Byddwch yn cwblhau adroddiad ar weithgarwch clinigol (RCA) yn ymwneud â’ch lleoliad Ymyrraeth 1.
• Byddwch yn cwblhau dau adroddiad ar weithgarwch clinigol o'ch lleoliad Ymyrraeth II hirach lle byddwch yn llunio darn o waith o ddau safbwynt damcaniaethol neu therapiwtig gwahanol a byddwch yn cyflwyno un arall o'ch darnau gwaith clinigol.
• Rhaid i un o'ch adroddiadau ar weithgarwch clinigol fod ynghylch therapi ymddygiad gwybyddol.

Mae angen i chi gyflwyno recordiad o sesiwn lle rydych yn defnyddio therapi ymddygiad gwybyddol, sy'n cael ei raddio gan ddefnyddio'r CTS-R, neu offeryn asesu perthnasol arall.  

Nod y cwricwlwm ymchwil yw sicrhau bod hyfforddeion yn meithrin profiad o ddefnyddio amrywiaeth o ddulliau ymchwil, ac yn cael dealltwriaeth fanwl o'r dystiolaeth sydd wrth wraidd ymarfer clinigol.  Mae hyfforddiant mewn sgiliau ymchwil yn digwydd trwy gydol y tair blynedd.

Aseiniadau Ymchwil -

Mae tri phroject ymchwil i'w cwblhau dros y tair blynedd.

Byddwch yn dechrau gyda phroject dadansoddi data, gan ddefnyddio setiau data mawr sydd ar gael i'r cyhoedd i ateb cwestiynau gosod.

Mae'r project ymchwil sy'n gysylltiedig â gwasanaeth yn ddarn o ymchwil hynod gymhwysol, fel archwiliad neu werthusiad o wasanaeth, a gwblheir yn ystod ail flwyddyn y rhaglen.

Yn olaf, mae gennych eich project ymchwil mawr, a dyna fydd hanfod traethawd ymchwil eich doethuriaeth, y byddwch yn gweithio arno drwy gydol y rhaglen. Mae'r traethawd ymchwil yn cynnwys adolygiad systematig neu feta-ddadansoddiad, astudiaeth empirig a phapur ar oblygiadau ymchwil a chlinigol eich gwaith. Disgwylir i'r gwaith hwn fod o safon y gellid ei gyhoeddi, ac yn ystod y pum mlynedd ddiwethaf yn unig mae dros 30 o bapurau hyfforddeion wedi'u cyhoeddi mewn cyfnodolion academaidd. Yn eich blwyddyn olaf bydd gennych arholiad llafar, neu viva, ble byddwch yn amddiffyn eich traethawd ymchwil.

Mae'r rhaglen yn cynnal ffair ymchwil flynyddol, lle mae seicolegwyr clinigol lleol a chynrychiolwyr o ‘Banel y Bobl’ yn cyflwyno ac yn rhannu eu syniadau ymchwil. Anogir hyfforddeion i gysylltu â goruchwylwyr lleol (neu gydweithwyr eraill yn y DU) i drafod a datblygu eu project ymchwil ar raddfa fawr.  Mae'r rhaglen yn cefnogi ac yn goruchwylio ymchwil ansoddol a meintiol yn ogystal â phrojectau dadansoddi data eilaidd. Mae'r tîm ymchwil yn ymdrechu i'ch cefnogi i wneud projectau yn eich meysydd diddordeb, yn hytrach na chael eich neilltuo i brojectau o restr.

Meysydd diweddar lle mae hyfforddeion wedi cynnal ymchwil -

• Exploring the Challenges of Intercultural Qualitative Health Research and the Experiences of Doctors in Lesotho.
• Recovery Factors in Type 1 Diabetes Disordered Eating.
• A Thematic Analysis of the Function of Sleep-wake Inversion among Adults with Psychosis.
• Developing Systemic Approaches to Tic Disorders in Education and Healthcare Settings.
• Exploring Healthcare Professionals' Experiences of Providing Care for People with Dementia across the Lifespan.
• The Ghost in Care: Mothers' Experiences of Mental Health and Involvement with Services following Separation from their Child(ren).
• Should it come with the Territory? Experiences and Discourses of two groups of Professionals.
• An Exploration of the role Social Class has in Clinical Psychology Training and for Adults Engaging with Psychological Therapies in the UK.
• An Exploration of Homelessness and Mental Health.

Darperir goruchwyliaeth ymchwil gan dîm y rhaglen, seicolegwyr clinigol lleol a chydweithwyr yn y brifysgol. Mae ymchwil mewn seicoleg glinigol a seicoleg iechyd glinigol yn un o   gryfderau’r Ysgol Seicoleg. Mae’r rhaglen yn cefnogi projectau ymchwil o bob cwr o’r traddodiad ymarferwr gwyddonol, gan ddefnyddio methodolegau meintiol ac ansoddol.

Rydym yn cynnal cynhadledd ymchwil flynyddol lle bydd yr hyfforddeion yn cyflwyno eu projectau ymchwil trwy gyfrwng cyflwyniadau neu bosteri. Rydym yn gwahodd hyfforddeion sydd newydd eu derbyn i'r gynhadledd hon cyn iddynt ddechrau ar y rhaglen. 

Meysydd diweddar lle mae hyfforddeion wedi cynnal ymchwil -

Teitlau ymchwil 2023 - 2025

Dyma deitlau'r prosiectau ymchwil mawr a gynhaliwyd gan ein hyfforddeion o'r tair carfan ddiwethaf a gymhwysodd. Fe'u grwpiwyd o dan y categorïau mwyaf tebygol, er y bydd gorgyffwrdd â meysydd clinigol eraill.

Mae teitlau'r traethodau ymchwil yn ymdrin â'r adolygiad systematig a'r papur empirig, ac nid ydynt bob amser yn adlewyrchu'r ystod eang o ddulliau ansoddol a meintiol a ddefnyddiwyd.

Seicoleg Perinatal

• Exploring North Wales mothers’ experiences of out-of-area mother and baby units.
• Negotiating Parenthood at the Margins of Perinatal Crisis: Neonatal Care and Perinatal Loss.

Seicoleg Plant/Pobl Ifanc

• The act of telling: A qualitative examination of child abuse disclosure and public storytelling experiences.
• Experience of being an adolescent and having an adolescent sibling who self-harms.  
• The Lived experience of Anorexia Nervosa in Adolescent Boys, aged between 14-20 years.
• Exploring parent and clinician experiences of diagnosis of child chronic health conditions.

Seicoleg Anableddau Deallusol

• Public perception and personal realities: exploring attitudes towards intellectual disability and the role of day services.
• Breaking barriers: enhancing accessibility to research and support for adults with intellectual disabilities and parents.

Seicoleg Oedolion

• The experience of participating in an adventure therapy sailing project for young people with a history of psychosis – Perspectives from staff in participating services.
• Distress and Difference in Adult Mental Health: Diagnosis, Identity, and Representation.
• Exploring the UK Filipino community’s experiences of mental health, literacy, stigma, cultural capital and help-seeking.
• Insight and Meaning: Foregrounding Lived Experience in Mental Health Contexts.
• The Nature of the Beast: Exploring Challenge and Complexity in the Implementation of Trauma-Informed Care.

Pwnc Hunaniaeth Rhyw/Rhywiol

• Transgender and Gender Diverse people’s experiences of accessing Clinical Psychology within Gender Services.
• Mental Health in Sexual Minority Populations: The Role of Social and Contextual Determinants.

Niwroseicoleg

• Acquired Brain Injuries and Domestic Violence: A Situational Analysis of Help Seeking Barriers at the individual and system level.
• Premanifest Huntington’s disease and wellbeing

Seicoleg Iechyd

• Declining treatment in the context of cancer: The experiences of individuals and cancer care staff.
• Difficult Women: Experiences of Health and Help-Seeking in Under-Recognised Areas of Women’s Health.
• Making Psychological Sense of an Altered Body.
• Managing bodies under constraint: Physical health, substance use and weight-related outcomes in forensic settings.
• Journeys through chronic pain towards a valued life: A narrative analysis.

Seicoleg Fforensig

• Managing bodies under constraint: Physical health, substance use and weight-related outcomes in forensic settings

Public Health

• Deaths of despair: Global perspectives and local legacies of deindustrialisation.
• Deindustrialisation and health: A scoping review and a quantitative analysis of gambling in Welsh coalfields.

Nid oes unrhyw arholiadau ysgrifenedig nas gwelwyd o’r blaen ar y rhaglen, ond byddwch yn cwblhau cyfanswm o 10 aseiniad, gan gynnwys traethawd ymchwil terfynol.

Caiff cymwyseddau mewn agweddau damcaniaethol ar seicoleg glinigol, sgiliau clinigol a materion proffesiynol eu gwerthuso trwy asesu parhaus trwy gyfrwng amrywiaeth o aseiniadau academaidd, cyflwyniadau, gwerthusiadau o gymwyseddau clinigol a phroffesiynol, adroddiadau ar weithgarwch clinigol (gan gynnwys un yn defnyddio therapi ymddygiad gwybyddol), darn o waith adfyfyriol, project dadansoddi cronfa ddata, project ymchwil sy’n gysylltiedig â gwasanaeth a phroject ymchwil mawr (y traethawd ymchwil).  Er bod ffurf yr asesiadau wedi eu pennu, chi sy'n penderfynu ar y maes pwnc clinigol y mae arnoch eisiau rhoi sylw iddo.   

Mae arholwyr allanol a chanddynt brofiad helaeth o raglenni hyfforddi seicoleg glinigol yn chwarae rhan amlwg yn y gwaith o feincnodi ein system farcio.   Ar ddiwedd y drydedd flwyddyn, caiff y traethawd ymchwil ei werthuso trwy gyfrwng arholiad llafar (viva voce).

Gall hyfforddeion sy'n siarad Cymraeg wneud eu haseiniadau yn Gymraeg os dymunant.   Mae'r rhaglen yn trefnu gwasanaethau cyfieithu.

Cafodd Grŵp Ymglymiad Defnyddwyr Gwasanaeth a Gofalwyr ein rhaglen ei enwi'n 'Panel Pobl' gan ei aelodau. Wedi'i sefydlu yn 2008, nod y Panel Pobl yw gwella dysgu hyfforddeion o safbwynt defnyddiwr gwasanaeth a gofalwr. Mae gennym gynrychiolwyr hyfforddeion o bob blwyddyn cohort ar y Panel Pobl, gan ddarparu cyfleoedd rheolaidd i hyfforddeion a defnyddwyr gwasanaeth a gofalwyr ymgynghori â'i gilydd ar ystod eang o bynciau a meysydd datblygu sy'n berthnasol yn glinigol.

Ar hyn o bryd mae'r Panel Pobl yn cynnwys unigolion sydd wedi bod yn ymwneud â gwasanaethau seicoleg glinigol mewn amrywiaeth o leoliadau megis iechyd meddwl oedolion, seicoleg iechyd clinigol, gwasanaethau anabledd deallusol oedolion hŷn, plant ac oedolion, camddefnyddio sylweddau, gwasanaethau perinatal, ac anaf i'r ymennydd. Mae'r gynrychiolaeth ar y Panel Pobl yn newid yn rheolaidd gydag aelodau newydd yn ymuno ac aelodau hŷn yn gadael, naill ai pan fyddant yn teimlo bod eu hymglymiad wedi cyrraedd ei ddiwedd naturiol neu ar ôl tymor tair blynedd o ymwneud.

• Mae aelodau'r Panel Pobl yn ymwneud ag amrywiaeth o wahanol agweddau ar y rhaglen hyfforddi.
• Maent yn cynrychioli'r Panel Pobl ar bob pwyllgor rhaglen.
• Maent yn chwarae rhan allweddol yn ein gweithdrefnau dethol ar gyfer hyfforddeion a staff.
• Mae aelodau Panel y Bobl yn cyd-hwyluso gweithdai CBT lle maent yn rhoi adborth yn uniongyrchol i hyfforddeion ar eu perfformiad o safbwynt defnyddiwr gwasanaeth a gofalwr.
• Maent yn cymryd rhan weithredol mewn sawl sesiwn addysgu ar y rhaglen.
• Mae aelodau Panel y Bobl yn gweithredu fel ymgynghorwyr ar gyfer yr aseiniadau Dysgu yn Seiliedig ar Broblemau.
• Mae hyfforddeion yn gofyn yn rheolaidd i'r Panel Pobl wneud sylwadau ar agweddau ar eu prosiectau ymchwil, o syniadau dylunio cynnar i daflenni gwybodaeth cyfranogiad a ffurflenni caniatâd ac maent yn cyflwyno eu prosiectau ar wahanol gamau datblygu i gael cyngor ac adborth. Mae sawl hyfforddai wedi gweithio'n agos gydag arbenigwyr trwy brofiad ar eu tîm goruchwylio, gan gyd-gynhyrchu'r ymchwil. Mae trafodaethau bywiog yng nghyfarfodydd Panel y Bobl, gan drafod a dadlau meysydd o ddiddordeb cyffredin ac yn aml mae hyfforddeion yn adrodd bod y cyfnewidiadau hyn wedi eu helpu i ddatblygu eu syniadau a'u meddwl ymhellach.
• Mae aelodau Panel y Bobl yn mynychu'r ffair ymchwil flynyddol, lle maent yn rhannu eu syniadau ymchwil ochr yn ochr â seicolegwyr clinigol BIPBC, gyda'r hyfforddeion.
• Mae Panel y Bobl wedi adolygu'r canllawiau caniatâd cleientiaid ar gyfer hyfforddeion ar leoliad, a ffurflenni ar gyfer adborth defnyddwyr gwasanaeth i'w cwblhau ar ddiwedd cyfranogiad yr hyfforddai. Cynlluniwyd y rhain yn wreiddiol gan y Panel Pobl.

Mae trafodaethau bywiog yng nghyfarfodydd Panel y Bobl, gan drafod a dadlau meysydd o ddiddordeb cyffredin ac yn aml mae hyfforddeion yn adrodd bod y cyfnewidiadau hyn wedi eu helpu i ddatblygu eu syniadau a'u meddwl ymhellach. Mae aelodau Panel y Bobl yn mynychu'r ffair ymchwil flynyddol, lle maent gyda seicolegwyr clinigol BIPBC yn rhannu syniadau ar gyfer ymchwil ac aseiniadau academaidd gyda'r hyfforddeion. Mae sawl aelod o'r Panel Pobl yn ymwneud â dylunio a goruchwylio ymchwil neu grŵp llywio, ac rydym yn edrych ymlaen at ehangu'r cydweithrediadau a'r cyd-gynhyrchiadau hyn. Mae Panel y Bobl hefyd wedi cynorthwyo i ddatblygu canllawiau caniatâd cleientiaid ar gyfer hyfforddeion ar leoliad, a ffurflenni ar gyfer adborth defnyddwyr gwasanaeth i'w cwblhau ar ddiwedd cyfranogiad yr hyfforddai.

Yn ymweliad ail-achredu BPS yn 2026, derbyniodd y Rhaglen ganmoliaeth am y gwaith gyda Panel y Bobl. Nodwyd bod 'y rhaglen yn dangos ymrwymiad eithriadol i integreiddio defnyddwyr gwasanaeth a gofalwyr yn ystyrlon, gyda Panel y Bobl wedi'i ymgorffori ar draws addysgu, ymchwil a llywodraethu fel partneriaid cyfartal a gwerthfawr. Mae eu cyfranogiad dilys, eu cefnogaeth gref a'u dylanwad clir ar wneud penderfyniadau yn enghraifft o arfer gorau mewn hyfforddiant cynhwysol, wedi'i gyd-gynhyrchu'.

Rhown anogaeth gref i siaradwyr Cymraeg ymgeisio am le ar ein rhaglen gan fod canran helaeth o boblogaeth Gogledd Cymru yn siarad Cymraeg fel iaith gyntaf.

Wrth lunio rhestr fer rydym yn dyfarnu pwyntiau ychwanegol am eich gallu i siarad Cymraeg (gan gynnwys dysgwyr).  Nodwch ar eich cais pa mor hyfedr ydych chi yn y Gymraeg. Sylwch: gan fod nifer yr ymgeiswyr dwyieithog Cymraeg-Saesneg yn parhau'n isel (1% o'r holl ymgeiswyr yn y deyrnas unedig, yn unol â data cyfle cyfartal y tÅ· clirio), mae mwyafrif yr hyfforddeion ym mhob carfan yn siarad Saesneg.

Mae ein hymrwymiad i hyfforddi seicolegwyr clinigol sy'n siarad Cymraeg a all gwrdd â’r anghenion clinigol ar hyn o bryd ac yn y dyfodol yng Nghymru yn cynnig cyfleoedd unigryw i gynnwys agweddau ymarferol ar amrywiaeth ddiwylliannol yn ein hyfforddiant, a fydd yn ddeniadol i’n holl hyfforddeion. Mae cyllid ar gael i'r rhai hynny sy’n dymuno dysgu Cymraeg neu a hoffai ddilyn cwrs gloywi i fagu mwy o hyder.   Cynhelir dosbarthiadau gan Brifysgol Bangor yn ogystal â Bwrdd Iechyd Prifysgol Betsi Cadwaladr mewn gwahanol leoliadau ar draws Gogledd Cymru.  Gall hyfforddeion hefyd fynd i wythnos ddwys o ddysgu Cymraeg sylfaenol cyn dechrau'r rhaglen.  Dyma wybodaeth am yr hyn y gall y brifysgol ei gynnig: /cio/index.php.cy

Gall ymgeiswyr Cymraeg eu hiaith gael cyfweliad Cymraeg a darperir gwasanaeth cyfieithu ar y pryd. Gall hyfforddeion sy'n siarad Cymraeg gwblhau eu haseiniadau academaidd yn Gymraeg os dymunant.   Mae'r rhaglen yn trefnu gwasanaeth cyfieithu i waith ysgrifenedig a chyfieithu ar yr un pryd i gyflwyniadau llafar. Gallwn ddarparu ystod o gyfleusterau i gefnogi hyfforddeion Cymraeg eu hiaith i ddatblygu eu sgiliau ymarfer clinigol yn yr iaith Gymraeg, gan gynnwys lleoliadau a, lle bo’n ymarferol, goruchwyliaeth.

Rydym yn awyddus i gefnogi ymgeiswyr sy’n siarad Cymraeg drwy gynnig chwech i wyth o sesiynau mentora iddynt gyda naill ai seicolegydd clinigol cymwys neu dan hyfforddiant. Nod y sesiynau hyn yw cynnig dewis i’r unigolyn gael gwybodaeth am waith seicolegydd clinigol, trafod ei werthoedd a'i syniadau am seicoleg (clinigol), ac archwilio llwybrau i hyfforddiant. Cysylltwch â Carolien Lamers (Cyfarwyddwr Recriwtio a Dewis) c.lamers@bangor.ac.uk i wybod mwy am y cynllun mentora.

Mae'r rhaglen yn gyflogwr cyfle cyfartal ac mae’n croesawu ymgeiswyr o bob cefndir ac o bob oed. Mae'r rhaglen hefyd yn gweithredu'r .

Cysylltwch â Carolien Lamers (Cyfarwyddwr Recriwtio a Dewis)  c.lamers@bangor.ac.uk  i wybod mwy ac i drafod y gefnogaeth a all fod ar gael i chi yn ystod y broses ddewis ac unrhyw addasiadau rhesymol y gallech fod eu hangen wrth hyfforddi. Gallwch nodi ar y ffurflen gais (Cynllun Hyderus o ran Anabledd) eich bod yn dymuno i’ch cais gael ei ystyried dan y cynllun. Bydd y meini prawf gofynnol a nodir o dan y gofynion mynediad gyda * yn cael eu cymhwyso i'ch cais.

Gallwch hefyd gysylltu â'n Swyddfa Myfyrwyr Anabl am ragor o wybodaeth a chefnogaeth sydd ar gael i ymgeiswyr.

Mae dau gynrychiolydd dan hyfforddiant fesul carfan ar holl bwyllgorau'r rhaglen a Phanel y Bobl. Gofynnir hefyd i hyfforddeion roi sylwadau ar yr holl sesiynau addysgu ac mae gofyn iddynt lenwi ffurflen adborth ar bob lleoliad yr ânt iddo.

Mae ceir les ar gael i hyfforddeion ar y rhaglen ac mae llawer o hyfforddeion yn manteisio ar hyn.

Yn ogystal â llyfrgell y rhaglen ei hun sydd o fewn Llyfrgell Deiniol, caiff hyfforddeion ddefnyddio'r ystod eang o gyfleusterau yn llyfrgell y brifysgol ac yn yr Ysgol Seicoleg, (e.e. labordai seicoleg a chyfrifiadurol).  Gall hyfforddeion hefyd gael mynediad i lyfrgelloedd y GIG ym mhrif ysbytai’r ardal.  Mae yna ystafell adnoddau bwrpasol i hyfforddeion sy'n cynnwys cyfrifiaduron y brifysgol a'r GIG.  Mae gennym ni hefyd lyfrgell brawf gydag asesiadau, y gall hyfforddeion eu benthyca ar gyfer eu gwaith clinigol ac i ymarfer ar gyfer eu hasesiadau cymhwysedd yn rhan o'u lleoliadau.

Caiff pob hyfforddai ei gofrestru gyda llyfrgell Prifysgol Bangor, sy'n cymryd rhan mewn cynllun ledled y DU o'r enw SCONUL Research Extra.  Mae hyn yn rhoi cyfle ichi ymuno a benthyca o lyfrgelloedd prifysgolion eraill a allai fod mewn lleoliad mwy cyfleus i chi.  Gallwch fenthyca hyd at 20 eitem o lyfrgell arall y flwyddyn, sy'n eich galluogi i gael gafael ar gyfnodolion, llyfrau a thraethodau ymchwil.

Canolfan Brailsford yw canolfan chwaraeon y brifysgol ac mae'n darparu cyfleusterau chwaraeon a hamdden i staff a myfyrwyr Prifysgol Bangor ac i'r cyhoedd.  Ceir cyfleusterau dan do ar gyfer amrywiaeth eang o chwaraeon a gweithgareddau cadw’n heini, yn cynnwys hyfforddiant pwysau, criced dan do, sboncen, trampolinio a llawer mwy.

Mae cyfleusterau awyr agored helaeth ar gael ar ddau safle, sef Canolfan Brailsford a safle'r Normal.  Mae'r ddau o fewn pellter cerdded i'n hystafelloedd dysgu ym Mangor.

Ceir nifer o werthwyr tai ac asiantau gosod tai yn ardal Bangor a fydd yn eich helpu i ddod o hyd i rywle i fyw os bydd rhaid i chi symud dros dro neu'n barhaol yn ystod eich hyfforddiant.

Dyma rai dolenni:

www.reedsrains.co.uk
www.dafyddhardy.co.uk
www.rightmove.co.uk

Mae yn feithrinfa ddi-elw a gyllidir gan y brifysgol ac mae'n agored i bob sector o'r gymuned gyda 50 o leoedd gofal plant ar gael, 20 i fabanod o 3 mis oed a 30 i blant bach nad ydynt yn yr ysgol.  Yn ogystal, ar gyfer plant 5 – 11 oed mae'r cyfadeilad yn cynnwys canolfan ar ôl ysgol a chynllun chwarae yn ystod gwyliau tymor ysgol.

Mae  swydd-ddisgrifiad a  gofynion personol Seicolegydd Clinigol dan hyfforddian Raglen Seicoleg Glinigol Gogledd Cymru ar gael yma. 
 

Defnyddir yr holl feini prawf isod yn y broses o greu rhestr fer. Ceir y wybodaeth angenrheidiol o ffurflen gais y TÅ· Clirio a'ch trawsgrifiad academaidd. Mae'r meini prawf a nodir gyda * yn cyfeirio at y meini prawf sylfaenol y mae'n rhaid i bob ymgeisydd eu cyflawni. Asesir y meini prawf hyn gan Seicolegwyr Clinigol y GIG a staff y rhaglen. Sylwch: Oherwydd trefniadau cyllido Addysg a Gwella Iechyd Cymru ar gyfer lleoedd ar y rhaglen, ni allwn ystyried ceisiadau nad ydynt yn gymwys ar gyfer statws ffioedd cartref.

Dim ond y wybodaeth a grybwyllir isod sy'n cael ei lawrlwytho o'ch cais yn ystod y broses o lunio rhestr fer, nid ydym yn gwybod eich enw, oedran, cyfeiriad ac ati. Ni fyddwn yn lawrlwytho’r ffurflen gais gyfan hyd nes y byddwn wedi penderfynu pwy i'w gwahodd am gyfweliad, pan fyddwn yn adolygu'r cais yn ei gyfanrwydd gan ddefnyddio egwyddorion recriwtio diogel.

• Cyn gwneud cais, dylech eisoes feddu ar radd anrhydedd sengl neu gydanrhydedd ddosbarth I neu II(i) mewn Seicoleg (neu radd drosi)* a dylech fod yn  gymwys ar gyfer Aelodaeth Siartredig ar Sail Raddedig. Byddwn, ar y cyd â Chymdeithas Seicolegol Prydain, yn cymhwyso meini prawf tebyg i feini prawf gradd israddedig mewn seicoleg yn achos gradd drosi seicoleg (www.bps.org.uk/membership/eligibility).
• Dim ond os ydynt wedi cwblhau PhD y caiff ymgeiswyr â gradd israddedig seicoleg 2.2 eu hystyried. Nid ydym yn dyfarnu pwyntiau i raddau nad ydynt mewn seicoleg.
• Mae angen i chi fod wedi cwblhau'r radd sy'n rhoi cymhwysedd i chi ar gyfer aelodaeth siartredig ar sail raddedig pan fyddwch yn gwneud cais, sef eich gradd israddedig neu drosi.
• Disgwylir y byddwch wedi cael blwyddyn o leiaf o brofiad clinigol cyflogedig/profiad ymchwil*. Dylai profiad clinigol perthnasol roi'r cyfle i chi ryngweithio'n helaeth â phobl ag anawsterau iechyd neu seicolegol sylweddol, yn ddelfrydol dan oruchwyliaeth seicolegydd clinigol. Bydd profiad a gafwyd mewn swyddi cyflogedig eraill yn gweithio gyda phoblogaeth glinigol yn berthnasol hefyd (e.e. gweithiwr iechyd meddwl, cynorthwyydd gofal, eiriolwr).  Dylai profiad ymchwil gynnwys ymchwilio i ffenomena seicolegol o fewn poblogaeth glinigol. Byddwn yn cydnabod uchafswm cyfwerth â dwy flynedd llawn amser o brofiad perthnasol cyflogedig.
• Nid yw profiad clinigol a gafwyd ac sydd ei angen fel rhan o hyfforddiant/addysg arall, yn hytrach na chyflogaeth â thâl, yn cael ei ystyried yn brofiad clinigol perthnasol.
• Er nad yw gwaith gwirfoddol yn cael ei ystyried yn brofiad clinigol cyflogedig perthnasol, dyfernir pwyntiau am hyn.
• Yn ogystal â'r uchod, disgwylir i chi gyflwyno ffurflen gais o safon dda*, a fydd yn cael ei hasesu gan ddau seicolegydd clinigol. Byddant yn edrych ar ramadeg a sillafu, yn ogystal â'ch dealltwriaeth o seicoleg a'ch sylfaen gwerthoedd.
• Er mwyn dangos hyn, rhaid i chi sicrhau eich bod yn ateb y cwestiynau agored yn llawn. Defnyddiwch y cyfyngiad ar nifer y nodau yn ddoeth ac ystyriwch eich bod efallai eisoes wedi rhoi rhywfaint o wybodaeth i ni mewn mannau eraill, e.e., yn yr adran profiad gwaith. Gwnewch yn siŵr eich bod yn ateb y cwestiynau a ofynnir, yn hytrach na cheisio dweud popeth rydych chi'n meddwl y dylem ei wybod.
  Yn eich datganiad personol, hoffem glywed am eich myfyrdodau ar yr hyn rydych wedi'i ddysgu o'ch gwaith academaidd a chlinigol, a/neu eich profiadau personol, yn hytrach na sgiliau penodol rydych wedi'u caffael. Rydym yn deall efallai yr hoffech ddefnyddio Deallusrwydd Artiffisial (AI) i'ch helpu i ddrafftio datganiad, ond gwnewch yn siŵr ei fod yn adlewyrchu eich llais eich hun. Mae gennym ddiddordeb mewn dod i'ch adnabod.
• Rhaid i'ch cais gynnwys dau ddatganiad addasrwydd boddhaol. Disgwylir i ymgeiswyr gael datganiadau addasrwydd academaidd a chlinigol da sy'n cynnig cefnogaeth*. Mae angen i un datganiad addasrwydd ddod gan berson sy'n gallu rhoi sylwadau ar eich galluoedd academaidd ac ymchwil. Fel arfer, darlithydd neu diwtor prifysgol yw'r person hwn. Os nad yw eich darlithydd neu diwtor ar gael mwyach, ystyriwch opsiynau ymchwil/academaidd yn eich rôl gyflogaeth a gweld a all rhywun arall roi sylwadau ar eich sgiliau academaidd ac ymchwil a darparu'r datganiad addasrwydd.
• Mae'r datganiad addasrwydd arall yn ymwneud â'ch sgiliau clinigol, a byddai'n well pe bai'n cael ei ddarparu gan y cyflogwr neu'r goruchwyliwr yn eich swydd ddiweddaraf, oni bai eich bod wedi bod yn gweithio gyda nhw am gyfnod cymharol fyr yn unig. Yn yr achos hwnnw, gallech ystyried gofyn i'r person y gwnaethoch weithio gydag ef o'r blaen, ac sydd wedi eich adnabod am gyfnod hirach. Mae lle ar y ffurflen gais i egluro pam rydych wedi dewis y bobl sy'n darparu'r datganiadau addasrwydd.
• Mae dau seicolegydd clinigol yn asesu'r datganiad. Os ydynt yn ystyried nad yw'r datganiad yn cynnig cefnogaeth, ni fydd eich cais yn symud ymlaen. Rydym yn argymell yn gryf eich bod yn siarad â'r bobl sy'n darparu eich datganiad addasrwydd i sicrhau eu bod yn gallu cefnogi eich cais yn llwyr.
• Rydym hefyd yn cydnabod eich cymhelliant a'ch ymrwymiad drwy ddyfarnu pwyntiau am unrhyw gyhoeddiadau mewn cyfnodolion neu gylchlythyrau. Nid oes angen i'r cyhoeddiadau ymddangos mewn cyfnodolyn a adolygir gan gymheiriaid; gallent ymddangos mewn cylchlythyr, neu fod yn adolygiad llyfr yn *The Psychologist*, er enghraifft. Cofiwch eu cyflwyno gan ddefnyddio arddull cyfeirio APA.
• Rydym hefyd yn cydnabod unrhyw waith gwirfoddol rydych wedi'i wneud. Nid oes meini prawf lleiafswm yn berthnasol i'r naill na'r llall.
• Rydym wedi ymrwymo i gynyddu amrywiaeth y proffesiwn ac rydym yn defnyddio gwybodaeth gyd-destunol yn ein proses ddethol. Gweler yr adran Dethol Cyd-destunol am ragor o fanylion.

Rydym yn annog siaradwyr Cymraeg yn gryf i wneud cais am y rhaglen hon, ac rydym yn dyfarnu pwyntiau ychwanegol yn y cam llunio rhestr fer am eich gallu i siarad Cymraeg – boed hynny'n rhugl neu fel dysgwr. Mae statws cyfreithiol yr iaith Gymraeg ym mhob agwedd ar fywyd yng Nghymru (gan gynnwys iechyd), ynghyd â'r gyfran sylweddol o'r boblogaeth yng Ngogledd a Gorllewin Cymru sy'n siarad Cymraeg fel eu hiaith gyntaf, yn golygu bod y rhaglen yn croesawu'r cyfle i hyfforddi pobl i ddiwallu gwir angen am ddarparu gofal seicolegol o'r ansawdd gorau yn yr iaith Gymraeg. Nodwch eich lefel o hyfedredd yn y Gymraeg ar y ffurflen gais.

Gallwn ddarparu ystod o gyfleusterau i gefnogi hyfforddeion Cymraeg eu hiaith i ddatblygu eu sgiliau ymarfer clinigol yn yr iaith Gymraeg, gan gynnwys lleoliadau a, lle bo’n ymarferol, goruchwyliaeth, yn ogystal â chyflwyno gwaith ysgrifenedig a gwaith arall yn Gymraeg. Gallwn hefyd gefnogi hyfforddeion sydd eisiau dysgu Cymraeg, sy’n dymuno gloywi eu sgiliau, neu ddatblygu mwy o hyder i ddefnyddio eu sgiliau Cymraeg yn ymarferol.

Gan fod nifer yr ymgeiswyr dwyieithog Cymraeg-Saesneg yn parhau'n isel (1% o'r holl ymgeiswyr yn y Deyrnas Unedig, yn unol â data cyfle cyfartal y TÅ· Clirio), mae mwyafrif yr hyfforddeion ym mhob carfan yn siarad Saesneg.  Rydym yn cynnig sesiynau mentora i ymgeiswyr Cymraeg eu hiaith. Am fwy o wybodaeth, gweler yr Adran Amrywiaeth a Chynhwysiant Cymdeithasol ar ein gwefan, neu fel arall cysylltwch â Carolien Lamers (Cyfarwyddwr Recriwtio a Dewis) c.lamers@bangor.ac.uk

Mae hyfforddiant mewn carfan a chymuned ddwyieithog, sy'n aml yn wledig, yn rhoi cyfleoedd gwych i chi wella'ch gwerthfawrogiad diwylliannol a'ch sgiliau o fewn ymarfer clinigol.

Os nad yw Saesneg yn iaith gyntaf i chi, gofynnir i chi roi tystiolaeth eich bod yn medru Saesneg yn ddigonol. Rhaid i chi fod wedi cael lefel 8 yn y cynllun IELTS, heb unrhyw elfennau o dan 7.5.  Nid yw hyn yn berthnasol i ymgeiswyr dwyieithog Cymraeg/Saesneg. Bydd wedi cwblhau rhaglen seicoleg academaidd yn y Deyrnas Unedig trwy gyfrwng Saesneg, yn cael ei ystyried yn dystiolaeth o’ch gafael ar yr iaith Saesneg.

Mae'r rhaglen yn gyflogwr cyfle cyfartal ac mae’n croesawu ymgeiswyr o bob cefndir ac o bob oed. Mae'r rhaglen yn gweithredu'r Cynllun Hyderus o ran Anabledd.

Ni fydd prifysgolion fel rheol yn caniatáu i chi gofrestru am Ddoethuriaeth mewn Seicoleg Glinigol os ydych wedi cofrestru am unrhyw radd arall ar hyn o bryd, e.e. PhD neu raglen Meistr. Os oes gennych unrhyw ofynion sy'n weddill o raglen arall, efallai y bydd gofyn i chi dynnu'n ôl o'r rhaglen honno er mwyn derbyn lle neu i barhau â'ch astudiaethau at Ddoethuriaeth mewn Seicoleg Glinigol. Os ydych yng nghamau olaf unrhyw raglen o'r fath, h.y. rydych wedi cyflwyno traethawd ymchwil neu ar fin gwneud hynny ar adeg ymgeisio, efallai y gellir ystyried eich cais.

Edrychwch hefyd ar y dudalen wybodaeth am gyllid; mae hon yn nodi bod angen i chi fod yn gymwys ar gyfer statws ffioedd 'cartref' a bod yn rhaid i chi fod â statws o dan Gynllun Preswylio'n Barhaol i Ddinasyddion yr UE (statws preswylydd sefydledig neu statws preswylydd sefydledig dros dro) neu statws preswylydd sefydledig / Caniatâd amhenodol i aros (ILR) yn y DU. Ni allwn dderbyn ymgeiswyr sydd ag opsiynau cyllido eraill. Edrychwch ar wefan y Clearing House (https://www.clearing-house.org.uk/) i weld pa raglenni sy'n cynnig yr opsiwn hwn.

Nid ydym yn gweithredu rheol ariannu 2 flynedd y GIG.

Sylwch: Os ydych wedi dechrau neu gwblhau eich hyfforddiant CAAPs yn Ne Cymru, bydd angen cyfnod o ddwy flynedd rhyngoch yn gorffen eich hyfforddiant a ariennir gan Adding a Gwella Iechyd Cymru (AaGIC) ac yn dechrau hyfforddiant mewn seicoleg glinigol, fel y nodir yn eich contract.

Mae ein rhaglen wedi cyflwyno prosesau recriwtio cyd-destunol ers y myfyrwyr a dderbyniwyd yn 2022. Mae hyn yn seiliedig ar dystiolaeth y gall gosod llwyddiannau unigolion yn eu cyd-destun gan ddefnyddio gwybodaeth ychwanegol am eu cefndir addysgol, cymdeithasol ac economaidd arwain at brosesau dewis tecach a mwy cynhwysol. Gall y wybodaeth hon ein helpu i adnabod unigolion sydd â photensial cryf ar gyfer llwyddiant ar lefel doethuriaeth ac o fewn y proffesiwn, na fyddent efallai wedi cael eu hadnabod fel arall.

Bydd y Tŷ Clirio yn eich gwahodd i gwblhau arolwg i gasglu data Dethol Cyd-destunol ar wahân i’r ffurflen gais. Mae’r Grŵp Hyfforddwyr mewn Seicoleg Glinigol wedi cytuno ar y cwestiynau yn yr arolwg hwn, sydd â thystiolaeth ar gyfer gwella cynwysoldeb a thegwch prosesau recriwtio.

Mae cwblhau’r arolwg hwn yn ddewisol, fodd bynnag, os gallwch ateb unrhyw un o’r cwestiynau sy’n rhoi rhywfaint o gefndir ychwanegol amdanoch, a’ch bod yn hapus i ddarparu hwn i ni drwy’r Tŷ Clirio, yna byddem yn eich annog i wneud hynny.

Rydym yn cynnwys eich gwybodaeth gyd-destunol yng ngham olaf ein proses llunio rhestr fer, ar ôl cymhwyso’r gofynion mynediad gofynnol a ddisgrifiwyd yn gynharach.

Bydd yr ymgeiswyr sy'n bodloni ein holl ofynion sylfaenol, ac nad ydynt yn cael eu gwahodd am gyfweliad ar sail eu safle neu am gael adolygu eu cais o dan y cynllun Hyderus o ran Anabledd, wedyn yn cael eu hadolygu gan ystyried y wybodaeth gyd-destunol a ddarparwyd.

Caiff y rhai sydd â'r nifer uchaf o 'faneri' eu gwahodd am gyfweliad.

Bydd nifer y lleoedd sydd ar gael i ymgeiswyr a wahoddir am gyfweliad gyda detholiad cyd-destunol yn amrywio'n flynyddol. Mae gennym nifer cyfyngedig o leoedd am gyfweliad, ac maent yn cael eu llenwi gan y rhai a wahoddwyd yn seiliedig ar eu sgôr a'r cynllun Hyderus o ran Anabledd. Yna bydd y lleoedd sy'n weddill yn cael eu dyrannu i ymgeiswyr â'r nifer uchaf o faneri.

Yn ystod y broses ddewis byddwn yn cysylltu â chi drwy e-bost yn unig. Felly, edrychwch ar eich negeseuon e-bost, yn ogystal ag unrhyw e-byst a all fod wedi mynd i'ch ffolder sbam, a rhowch wybod i ni am unrhyw newidiadau i'ch manylion cyswllt.

Mae Seicolegwyr Clinigol y GIG lleol, aelodau o Banel y Bobl a staff y rhaglen yn cyfrannu at bob agwedd ar y broses ddewis, gan gymhwyso’r meini prawf fel y nodir hwy o dan Ofynion Mynediad. Os nad ydych wedi cyrraedd y rhestr fer am gyfweliad, rydym yn argymell eich bod yn gwirio eich manylion yn erbyn ein meini prawf dewis.

Caiff eich cais ei asesu gan aelodau tîm y rhaglen, aelodau'r Panel Pobl a seicolegwyr clinigol lleol; dim ond y rhannau perthnasol sydd angen eu marcio y maent yn eu gweld. Nid oes ganddynt fynediad at eich manylion personol, fel enw, cyfeiriad, oedran, ethnigrwydd ac ati, dim ond eich rhif adnabod Clearing House.

Ar gyfer y broses o lunio'r rhestr fer, rydym yn defnyddio'r holl ofynion mynediad sylfaenol, a nodir o dan 'gofynion mynediad' uchod gyda seren (*). Rydym yn dyfarnu pwyntiau ychwanegol am wirfoddoli, cyhoeddiadau, ac i ymgeiswyr sy'n siaradwyr Cymraeg rhugl ac yn ddysgwyr.
O'r rhestr fer derfynol, rydym yn gwahodd yr ymgeiswyr sydd wedi sgorio uchaf, hyd at dair gwaith nifer y lleoedd hyfforddi sydd ar gael. Ar gyfer carfan 2026, roedd gennym 16 lle hyfforddi.  

Mae nifer o ymgeiswyr y caiff eu ceisiadau eu hasesu o dan y cynllun 'Disability Confident', ac sydd wedi bodloni'r holl feini prawf sylfaenol, hefyd yn cael eu gwahodd i gyfweliad. Mae'r nifer hwn yn amrywio bob blwyddyn.

Dim ond ar y cam o lunio'r rhestr fer derfynol y caiff y wybodaeth a ddarparwyd gennych i Clearing House ynghylch ffactorau cyd-destunol ei hychwanegu. Gwahoddir ymgeiswyr sydd wedi bodloni'r meini prawf sylfaenol ac sydd â'r nifer uchaf o ffactorau cyd-destunol i lenwi'r lleoedd cyfweld sy'n weddill. Roedd gennym gyfanswm o 72 lle cyfweld ar gael yn ystod cyfweliadau 2026.

Unwaith y byddwn wedi nodi pwy fydd yn cael eu gwahodd i gyfweliad – yn seiliedig ar eich rhif adnabod Clearing House yn unig – caiff y ffurflenni cais eu lawrlwytho yn eu cyfanrwydd a'u hadolygu gan gyfarwyddwr y rhaglen, y cyfarwyddwr recriwtio a dethol, ac aelodau eraill o'r tîm dethol yn unol ag egwyddorion recriwtio diogel.

Os na chawsoch eich dewis ar gyfer y rhestr fer ar gyfer cyfweliad, rydym yn argymell yn gryf eich bod yn gwirio eich manylion yn erbyn ein holl feini prawf dethol, ac yn gwirio gyda'r bobl a ddarparodd eich datganiad addasrwydd eu bod yn cefnogi eich cais yn llawn.
Mae'n bosibl eich bod wedi bodloni'r holl feini prawf sylfaenol ond na chawsoch eich rhestru'n ddigon uchel i gael eich gwahodd i gyfweliad.

Oherwydd nifer y ceisiadau, mae'n ddrwg iawn gennym, ond nid ydym bellach yn gallu cynnig adborth personol os na chewch eich dewis ar gyfer y rhestr fer.

Mae'r cyfweliadau ar gyfer 2027 wedi'u trefnu ar gyfer 5-9 Ebrill a byddant yn cael eu cynnal wyneb yn wyneb ym Mhrifysgol Bangor. Os cewch eich gwahodd i gyfweliad, bydd y hyfforddeion hefyd yn eich gwahodd i ymuno â nhw mewn digwyddiad gyda'r nos (fel arfer y noson cyn eich cyfweliad), lle cewch gyfle i siarad â hyfforddeion cyfredol a chlywed ychydig mwy am y rhaglen hyfforddi. Ni fydd aelodau'r panel cyfweld yn bresennol yn y digwyddiad hwn.

Os cewch eich gwahodd am gyfweliad, byddwn yn gofyn i chi gyflwyno tystiolaeth i gadarnhau pwy ydych chi neu dystiolaeth o'ch statws, er enghraifft, darparu eich pasbort, trwydded yrru ffoto-gerdyn ac ati.

Fel arfer, rydym yn cyfweld â thair gwaith nifer y lleoedd hyfforddi a ariennir. Mae'r paneli cyfweld fel arfer yn cynnwys Seicolegwyr Clinigol lleol, aelodau o'r Panel Pobl ac aelodau o dîm y rhaglen; maent yn cynnwys asesu sgiliau clinigol, academaidd, ymchwil ac adlewyrchol, yn ogystal ag addasrwydd ar gyfer hyfforddiant clinigol. Cofiwch nad cyfweliad ar gyfer 'swydd' draddodiadol yw hwn, lle mae angen i chi ddangos eich bod yn gallu gwneud y gwaith. Mae gennym ddiddordeb yn eich gallu i feddwl yn feirniadol ac yn ddadansoddol, ac yn eich gallu i drosglwyddo gwybodaeth i wahanol feysydd clinigol. Rydym am weld eich cymhwysedd i weithredu ar lefel doethuriaeth. Felly, meddyliwch yn eang ac yn greadigol am y cwestiynau.

Cynhelir y cyfweliadau wyneb yn wyneb ym Mhrifysgol Bangor, a thrwy gydol y broses byddwch yn cael cefnogaeth gan staff y rhaglen, sy'n gwneud eu gorau glas i wneud i chi deimlo'n gysurus.

Mae'r paneli cyfweld fel arfer yn cynnwys seicolegwyr clinigol lleol, aelodau o'r Panel Pobl (ein grŵp cynghori o arbenigwyr trwy brofiad) ac aelodau o dîm y rhaglen. Mae ein proses gyfweld yn cynnwys dau elfen:

• Cyfweliad cyfunol sy'n anelu at asesu eich cymwyseddau academaidd, ymchwil, clinigol ac adlewyrchol. Hyd: 45 munud.

• Tasg ysgrifenedig lle mae angen i chi gyfuno a gwerthuso ymchwil yn feirniadol. Hyd: 60 munud.

Adborth

• Cysylltir â chi ar ddiwedd yr wythnos gyfweld gyda'r canlyniad.

• Gallwch ffonio ar ddyddiad penodol i gael adborth ar eich cyfweliad; bydd hwn yn cynnwys gwybodaeth am sut y gwnaethoch chi berfformio yn y ddwy elfen o'r cyfweliad.

• Hysbysir y rhai sydd ar y rhestr wrth gefn am eu safle ar y rhestr honno.

• Hysbysir y person sydd yn y safle cyntaf ar y rhestr wrth gefn am y sefyllfa hon, yn enwedig pan fydd newid wedi digwydd i'r rhestr. Gallwch gysylltu â ni i gael y wybodaeth ddiweddaraf am eich safle ar y rhestr wrth gefn drwy nwcppselection@bangor.ac.uk

Byddwn yn anfon pecyn gwybodaeth i hyfforddeion newydd ynglŷn â'r rhaglen a'r ardal leol cyn i chi ddechrau hyfforddi. Bydd angen i chi hefyd roi tystiolaeth o'ch cymwysterau trwy ddarparu tystysgrif wreiddiol a dogfennau perthnasol eraill.

Yn ystod y broses ddewis byddwn yn cysylltu â chi drwy e-bost yn unig. Felly, edrychwch ar eich negeseuon e-bost, yn ogystal ag unrhyw e-byst a all fod wedi mynd i'ch ffolder sbam, a rhowch wybod i ni am unrhyw newidiadau i'ch manylion cyswllt.

Mae Seicolegwyr Clinigol y GIG lleol, aelodau o Banel y Bobl a staff y rhaglen yn cyfrannu at bob agwedd ar y broses ddewis, gan gymhwyso’r meini prawf fel y nodir hwy o dan Ofynion Mynediad. Os nad ydych wedi cyrraedd y rhestr fer am gyfweliad, rydym yn argymell eich bod yn gwirio eich manylion yn erbyn ein meini prawf dewis.

Caiff eich cais ei asesu gan aelodau tîm y rhaglen, aelodau'r Panel Pobl a seicolegwyr clinigol lleol; dim ond y rhannau perthnasol sydd angen eu marcio y maent yn eu gweld. Nid oes ganddynt fynediad at eich manylion personol, fel enw, cyfeiriad, oedran, ethnigrwydd ac ati, dim ond eich rhif adnabod Clearing House.

Ar gyfer y broses o lunio'r rhestr fer, rydym yn defnyddio'r holl ofynion mynediad sylfaenol, a nodir o dan 'gofynion mynediad' uchod gyda seren (*). Rydym yn dyfarnu pwyntiau ychwanegol am wirfoddoli, cyhoeddiadau, ac i ymgeiswyr sy'n siaradwyr Cymraeg rhugl ac yn ddysgwyr.
O'r rhestr fer derfynol, rydym yn gwahodd yr ymgeiswyr sydd wedi sgorio uchaf, hyd at dair gwaith nifer y lleoedd hyfforddi sydd ar gael. Ar gyfer carfan 2026, roedd gennym 16 lle hyfforddi.  

Mae nifer o ymgeiswyr y caiff eu ceisiadau eu hasesu o dan y cynllun 'Disability Confident', ac sydd wedi bodloni'r holl feini prawf sylfaenol, hefyd yn cael eu gwahodd i gyfweliad. Mae'r nifer hwn yn amrywio bob blwyddyn.

Dim ond ar y cam o lunio'r rhestr fer derfynol y caiff y wybodaeth a ddarparwyd gennych i Clearing House ynghylch ffactorau cyd-destunol ei hychwanegu. Gwahoddir ymgeiswyr sydd wedi bodloni'r meini prawf sylfaenol ac sydd â'r nifer uchaf o ffactorau cyd-destunol i lenwi'r lleoedd cyfweld sy'n weddill. Roedd gennym gyfanswm o 72 lle cyfweld ar gael yn ystod cyfweliadau 2026.

Unwaith y byddwn wedi nodi pwy fydd yn cael eu gwahodd i gyfweliad – yn seiliedig ar eich rhif adnabod Clearing House yn unig – caiff y ffurflenni cais eu lawrlwytho yn eu cyfanrwydd a'u hadolygu gan gyfarwyddwr y rhaglen, y cyfarwyddwr recriwtio a dethol, ac aelodau eraill o'r tîm dethol yn unol ag egwyddorion recriwtio diogel.

Os na chawsoch eich dewis ar gyfer y rhestr fer ar gyfer cyfweliad, rydym yn argymell yn gryf eich bod yn gwirio eich manylion yn erbyn ein holl feini prawf dethol, ac yn gwirio gyda'r bobl a ddarparodd eich datganiad addasrwydd eu bod yn cefnogi eich cais yn llawn.
Mae'n bosibl eich bod wedi bodloni'r holl feini prawf sylfaenol ond na chawsoch eich rhestru'n ddigon uchel i gael eich gwahodd i gyfweliad.

Oherwydd nifer y ceisiadau, mae'n ddrwg iawn gennym, ond nid ydym bellach yn gallu cynnig adborth personol os na chewch eich dewis ar gyfer y rhestr fer.

Mae'r cyfweliadau ar gyfer 2027 wedi'u trefnu ar gyfer 5-9 Ebrill a byddant yn cael eu cynnal wyneb yn wyneb ym Mhrifysgol Bangor. Os cewch eich gwahodd i gyfweliad, bydd y hyfforddeion hefyd yn eich gwahodd i ymuno â nhw mewn digwyddiad gyda'r nos (fel arfer y noson cyn eich cyfweliad), lle cewch gyfle i siarad â hyfforddeion cyfredol a chlywed ychydig mwy am y rhaglen hyfforddi. Ni fydd aelodau'r panel cyfweld yn bresennol yn y digwyddiad hwn.

Os cewch eich gwahodd am gyfweliad, byddwn yn gofyn i chi gyflwyno tystiolaeth i gadarnhau pwy ydych chi neu dystiolaeth o'ch statws, er enghraifft, darparu eich pasbort, trwydded yrru ffoto-gerdyn ac ati.

Fel arfer, rydym yn cyfweld â thair gwaith nifer y lleoedd hyfforddi a ariennir. Mae'r paneli cyfweld fel arfer yn cynnwys Seicolegwyr Clinigol lleol, aelodau o'r Panel Pobl ac aelodau o dîm y rhaglen; maent yn cynnwys asesu sgiliau clinigol, academaidd, ymchwil ac adlewyrchol, yn ogystal ag addasrwydd ar gyfer hyfforddiant clinigol. Cofiwch nad cyfweliad ar gyfer 'swydd' draddodiadol yw hwn, lle mae angen i chi ddangos eich bod yn gallu gwneud y gwaith. Mae gennym ddiddordeb yn eich gallu i feddwl yn feirniadol ac yn ddadansoddol, ac yn eich gallu i drosglwyddo gwybodaeth i wahanol feysydd clinigol. Rydym am weld eich cymhwysedd i weithredu ar lefel doethuriaeth. Felly, meddyliwch yn eang ac yn greadigol am y cwestiynau.

Cynhelir y cyfweliadau wyneb yn wyneb ym Mhrifysgol Bangor, a thrwy gydol y broses byddwch yn cael cefnogaeth gan staff y rhaglen, sy'n gwneud eu gorau glas i wneud i chi deimlo'n gysurus.

Mae'r paneli cyfweld fel arfer yn cynnwys seicolegwyr clinigol lleol, aelodau o'r Panel Pobl (ein grŵp cynghori o arbenigwyr trwy brofiad) ac aelodau o dîm y rhaglen. Mae ein proses gyfweld yn cynnwys dau elfen:

• Cyfweliad cyfunol sy'n anelu at asesu eich cymwyseddau academaidd, ymchwil, clinigol ac adlewyrchol. Hyd: 45 munud.

• Tasg ysgrifenedig lle mae angen i chi gyfuno a gwerthuso ymchwil yn feirniadol. Hyd: 60 munud.

Adborth

• Cysylltir â chi ar ddiwedd yr wythnos gyfweld gyda'r canlyniad.

• Gallwch ffonio ar ddyddiad penodol i gael adborth ar eich cyfweliad; bydd hwn yn cynnwys gwybodaeth am sut y gwnaethoch chi berfformio yn y ddwy elfen o'r cyfweliad.

• Hysbysir y rhai sydd ar y rhestr wrth gefn am eu safle ar y rhestr honno.

• Hysbysir y person sydd yn y safle cyntaf ar y rhestr wrth gefn am y sefyllfa hon, yn enwedig pan fydd newid wedi digwydd i'r rhestr. Gallwch gysylltu â ni i gael y wybodaeth ddiweddaraf am eich safle ar y rhestr wrth gefn drwy nwcppselection@bangor.ac.uk

Byddwn yn anfon pecyn gwybodaeth i hyfforddeion newydd ynglŷn â'r rhaglen a'r ardal leol cyn i chi ddechrau hyfforddi. Bydd angen i chi hefyd roi tystiolaeth o'ch cymwysterau trwy ddarparu tystysgrif wreiddiol a dogfennau perthnasol eraill.

Mae'r rhaglen yn gyflogwr cyfle cyfartal ac mae’n croesawu ymgeiswyr o bob cefndir ac o bob oed. Mae'r rhaglen yn gweithredu'r Cynllun .

I ymgeiswyr sydd am gael eu cais wedi'i asesu o dan y cynllun hwn, nodwch hyn ar eich ffurflen gais (Y Pethau Sylfaenol - Cynllun Hyderus o ran Anabledd)
• Bydd angen i chi fod wedi bodloni'r holl feini prawf gofynnol a nodir â * yn yr adran gofynion mynediad i gael eich ystyried ar gyfer cyfweliad. Yn ogystal â'r gofynion profiad academaidd* a chlinigol* (gweler o dan ofynion mynediad), y ddau feini prawf gofynnol arall yw datganiad personol wedi'i ysgrifennu'n dda* a dau ddatganiad addasrwydd cefnogol*.
• Anfonwch e-bost at Carolien Lamers am ragor o wybodaeth ac i drafod y gefnogaeth a all fod ar gael i chi yn ystod y broses ddethol ac unrhyw addasiadau rhesymol a allai fod yn ofynnol yn ystod hyfforddiant.
• Os ydych chi wedi datgan eich bod chi eisiau i'ch cais gael ei adolygu o dan y cynllun hyderus o ran anabledd ac rydym yn gwahodd i gyfweliad, byddwn yn gofyn i chi a ellir gwneud unrhyw addasiadau rhesymol yn ystod y broses gyfweld. Atebwch y cais hwn erbyn y dyddiad a nodir yn y llythyr, gan na allwn ystyried ceisiadau ar ôl y dyddiad hwn.
• Gallwch hefyd gysylltu â'n Swyddfa Myfyrwyr Anabl am ragor o wybodaeth a chefnogaeth a all fod ar gael i ymgeiswyr.

Mae gallu siarad Cymraeg yn nodwedd ddymunol yn y gofynion personol am seicolegydd clinigol dan hyfforddiant Rhaglen Seicoleg Glinigol Gogledd Cymru, gan mai Cymraeg yw iaith gyntaf cyfran sylweddol o gleientiaid. Ystyrir felly fod siarad Cymraeg yn sgil dymunol ac felly pan fydd gan ddau ymgeisydd sgoriau tebyg (tebyg i ddau bwynt degol) yn ystod y cam llunio rhestr fer neu gyfweliad, a bod un ymgeisydd yn siaradwr Cymraeg, cynigir cyfweliad neu le hyfforddi i’r siaradwr Cymraeg.

Rydym yn defnyddio gweithredu cadarnhaol fel y caniateir o dan Ddeddf Cydraddoldeb 2010. Rydym yn cydnabod bod ymgeiswyr o leiafrifoedd hil a dynion heb gynrychiolaeth ddigonol yn y proffesiwn seicoleg glinigol. Mae'r ddau yn nodweddion gwarchodedig o dan y Ddeddf Cydraddoldeb.

I grynhoi: Os bydd gan ymgeiswyr sgôr tebyg ar y cam llunio rhestr fer neu gyfweld, yna bydd y cyfweliad neu le hyfforddi yn cael ei gynnig, yn nhrefn blaenoriaeth, i ymgeisydd sy’n siarad Cymraeg, ymgeisydd o gefndir hil, ac ymgeisydd sy’n hunaniaethu fel gwryw.

Mae DCP Pre-Qualification Group yn cynrychioli buddiannau seicolegwyr cynorthwyol a seicolegwyr clinigol dan hyfforddiant. Bob blwyddyn, gofynnir i hyfforddeion am eu barn ar wahanol agweddau ar eu cwrs, a chaiff y canlyniadau eu llunio i ffurfio'r llawlyfr amgen. Mae'r llawlyfr yn rhoi gwir flas ar bob rhaglen ac yn cynnig barn defnyddiwr am bob rhaglen, sy'n cael ei diweddaru bob blwyddyn, a gall hyn helpu ymgeiswyr benderfynu i ble i wneud cais, a pha gynnig i'w dderbyn.  

Gellir cael llawlyfrau o .